Important Update for Ssw food service Visa COE

तोकुतेइ गिनौ "गाइशोकुग्योउ" (खाद्य सेवा) कोटा बारे अध्यागमन विभागको नयाँ सूचना मिति: रेइवा ८ (२०२६), मार्च २७ स्रोत: अध्यागमन विभाग (Immigration Services Agency) जापानको अध्यागमन विभागले तोकुतेइ गिनौ १ (SSW 1) अन्तर्गत "गाइशोकुग्योउ" (रेस्टुरेन्ट/खाद्य सेवा) क्षेत्रमा काम गर्नेहरूको कोटासम्बन्धी नयाँ अपडेट जारी गरेको छ। मुख्य जानकारीहरू तल दिइएको छ: १. वर्तमान अवस्था (Current Status) गाइशोकुग्योउ क्षेत्रमा तोकुतेइ गिनौ १ भिसामा जापानमा बस्नेहरूको सङ्ख्या फेब्रुअरीको अन्त्यसम्म करिब ४६,००० पुगिसकेको छ। मे महिनातिर यो सङ्ख्याले तोकिएको ५०,००० को लिमिट (कोटा) पार गर्ने अनुमान गरिएको छ। २. नयाँ नियम र नीति (New Policy) लिमिट पार हुने अनुमान गरिएकोले, कानुनअनुसार अप्रिल १३ देखि नयाँ Certificate of Eligibility (CoE) जारी गर्न अस्थायी रूपमा रोक लगाइनेछ। अब आवेदन दिँदा ध्यान दिनुपर्ने कुराहरू: (क) नयाँ CoE आवेदनको लागि (जापान बाहिरबाट आउनेहरू) अप्रिल १३ वा त्यसपछि आवेदन दिनेहरू: आवेदन अस्वीकृत (Fukofu) हुनेछ। अप्रिल १३ भन्दा अघि आवेदन दिनेहरू: प्रक्रियामा जानेछ, तर जापानमै भएकाहरूको भिसा परिवर्तनलाई प्राथमिकता दिइने भएकोले CoE आउन धेरै ढिलो हुनेछ। कोटाको लिमिटभित्र मात्र जारी गरिनेछ। (ख) भिसा परिवर्तन आवेदनको लागि (जापानभित्रबाट आवेदन दिनेहरू) अप्रिल १३ वा त्यसपछि आवेदन दिनेहरू: साधारणतया अस्वीकृत (Fukyoka) हुनेछ। तर, पहिलेदेखि नै गाइशोकुग्योउमा काम गरिरहेकाले कम्पनी फेर्ने, मेडिकल/वेल्फेयर फुड प्रिपरेसनमा जिस्स्युसेइ (Technical Intern) सकेर आउनेहरू, वा पहिले नै तोकुतेइ खात्सुदोउ (transition prep) मा हुनेहरूको आवेदन भने प्रक्रियामा जानेछ। अप्रिल १३ भन्दा अघि आवेदन दिनेहरू: कोटाको लिमिटभित्र रहेर पास गरिनेछ। यदि लिमिट सकिएको अवस्था छ भने, तोकुतेइ खात्सुदोउ (transition prep visa) वा १ पटकको लागि मात्र भिसा नवीकरणको विकल्प दिन सकिनेछ। (ग) तोकुतेइ खात्सुदोउ (SSW 1 Transition Prep) भिसा परिवर्तन नयाँ आवेदनहरू अस्वीकृत हुनेछन्। तर, काम परिवर्तन गर्ने, जिस्स्युसेइ सक्नेहरू, र अप्रिल १३ अघि नै आवेदन दिएर आज (मार्च २७) भित्र Food Industry SSW Council मा सामेल हुन आवेदन दिइसकेकाहरूको हकमा भने पहिले जस्तै प्रक्रिया अघि बढ्नेछ। (घ) भिसा नवीकरण (Zairyu Kikan Koshin) को लागि तपाईं अहिले यही भिसामा हुनुहुन्छ र नवीकरण गर्दै हुनुहुन्छ भने, सधैं जस्तै सामान्य तरिकाले जाँच गरेर नवीकरण हुनेछ। यसलाई कुनै असर पर्ने छैन।